L’ultima predica di padre Greco

Da “La Catena di San Libero” di Riccardo Orioles – via Girodivite.

Do’ Vangelu secunnu Luca

Capitàu ’n sabutu ca Gesù ava trasutu na casa di unu de’ capi raisi de farisei ppi mangiari e a gente stava ddà a taliarlu. Virennu comu li ’nvitati s’affuddavunu a pigghiarisi i megghiu posti, ci stampau na lizioni:

“Quannu si ’mmitatu na ’n spunsaliziu da corcarunu, non t’assittari ’o primu postu, pirchì po’ capitari ca arriva unu cchiù ’mpurtanti di tia e chiddu ca v’invitau veni a diriti: susiti, ca ddocu s’assittari st’amicu me. Allura ti finisci d’assittariti all’ultimu postu, cu’ tantu di mala cumparsa. ’Nveci, quannu sì mmitatu, si t’assetti all’ultimu postu vinennu u patruni ’i casa ti dici: unni ti ’o mittisti. veni cchiù avanti. Accussì fai na bedda cumparsa davanti a tutti e ’mmitati. Pirchì cuegghiè si senti cacocciula, finisci murtificatu, e cu s’incala, agghiorna cchiù ’mpurtanti”. Poi ci rissi o patruni i casa: “Quannu ammiti qualcunu a mangiari ni tia, no ammitari i to’ amici, o i to frati, o i to’ parenti, e mancu genti ricca, picchì chissi si levunu l’obbligu ammitannuti macari iddi. O cuntrariu: quannu fai ’n fistinu, ammita puvireddi, storpi, zoppi e cechi, accussi si cuntentu di non aspittariti nenti di nuddu. ’gn’iornu appoi ricivi ’n ringraziamentu ranni quannu t’assetti cu tutti l’autri galantomini no’ jornu da risurrezioni”.

Si dici: Parola do Signuri.